الله عليك يا سيسي..فخور انك رئيسي.. ورئيس كل المصريين زمان كنا بنشوف صور لرؤساء دول أوروبية في الشارع أو في المترو او راكبين عجلة وكان بيتقال عليها أحلى كلام ، كان بيتقال شايفين التواضع ، شايفين الأمان ، شايفين العدل اللي خلى الرئيس ده يمشي في الشارع آمن وسط الناس .. وكان ديماً يتكتب بعد الكلام ده ( اللهم هجرة ) .. ويقعدوا يعقدونا في بلدنا اللي لسه بتتبني .
طيب .. اللي في الصور ده أكتر رئيس في هذا القرن اتعرض لمحاولات إغتيال ، ومع ذلك كل اسبوع على الأقل ان لم يكن كل يومين تلاتة بنشوف صور زي دي ، بيمشي وسط الناس في الشوارع بمنتهى الأمان ، بيقرب منهم للمسافة صفر بدون أي قلق ، بيسلم عليهم ويتكلم معاهم ويسمع شكواهم ويحقق طلباتهم .
ودي بقى مصر اللي فيها تنظيمات إرهابية ، يعني مش بلجيكا ولا بريطانيا ولا فرنسا اللي حدودهم آمنة ومعندهمش ارهاب زينا ... ومع ذلك زي ما حضراتكم شايفين كده .
ليا صديق هو أحد الحراس الملاصقين للرئيس وكان بيقولي الصور اللي انت فرحان بيها دي احنا بنشوف الويل بسببها لاننا بنبقى خايفين عليه لكن هو اللي بيؤمر انه يقرب من الناس بالشكل ده .
كلمة واحد مننا كانت شعار بيتم المتاجرة بيه ، لكن في الحقيقة الرئيس السيسي خلانا نشوف الممارسة الحقيقية لكلمة واحد مننا .
عمرك شوفت رئيس اتعرض لاكتر من 15 محاولة إغتيال بينزل الشارع وسط الناس بالشكل ده .
مين يقدر يعمل كده غير حاكم عادل قوي أمين زي..عبدالفتاح السيسي رئيس_مصر
1 تعليقات
هو دا الكلام
ردحذفرئيس قوي ويفعل ما يقول ومصر هتبقي كد الدنيا وتحيا مصر ام الدنيا وتحيه من القلب للقياده السياسيه المخلصه والحكيمه