عربيتى ومصدر رزقى بعد ربنا اتسرقة وانا مش طالب مساعده ماليه من أحد أنا كل اللى أنا طالبو اقفو معايا لوجه الله علشان أرجع عربيتى علشان انا بتضمر والله بتضمر انا جايب العربية بقالى خمس شهور نظام اقصاد ومدفعتش منها غير شهرين وصاحب المعرض اشتكانى وجالى المحضر على البيت كده حرام اللى بيحصلى..!!
والله حرام وميرديش ربنا انا بكون نفسى وبصرف على اخواتى بالحلال لما عربيتى ومصدر رزقى ومعاشى يتسرق اعيش انا واخواتى منين ... ؟
وناكل ونشرب منين...؟ نسرق ياريس ولا ناكل ونشرب منين طيب بلاش ناكل ونشرب ادفع الأقساط منين 6000جنيه ... ؟
اجبهم منين كل شهر يا معالى الريس الراجل صاحب المعرض اشتكانى يعنى حبس وخراب البيت اعمل ايه وانا شايف شقايه وتعب السنين بيضيع منى وقدام عينى كده ومش عارف أعمل أى حاجة .
بالله عليكم سعدونى لوجه الله انا بطلب منكم تقفو جنبى إنى الاقى مالى ومصدر رزقى بعد ربنا الرجاء الاستعنا بشكوتى .
مع العلم أنا وصلت للحرامى وسلمتو للمباحث بقالى اكتر من شهر واعترف فى المباحث وفى النيابه وطلع قرار من النيابة بضبط وإحضار السياره المبلغ بسرقتها بإرشاد المتهم
0 تعليقات