لا يعيب الرجل إلا جيبه جملة فى قمة التفاهة
اللى يعيب الراجل قلة تربيته ,قلة دينه ،قلة رجولته ،
قلة عقله المال لن يجعل منك رجلا أبدا ...!!
الراجل الصح اللى بيعرف يتعامل مع الناس برجولة وبأدب وبشياكة وبجنتلة بجد مع الناس كلها الراجل بجد اللى اتربى بالبلدى كدا على طبلية أبوه
الراجل الصح اللى بيتعامل مع الست بشياكة مش بيتعامل مع الست على أنها سورى فى اللفظ حتة لحمة اعتبر الست اللى أقدامك دى أختك بنتك أمك اللى ترضاه على أمك أرضاه على الست دى اللى ترضاه على بنتك أرضاه على الست دى.
اللى ترضاه على بنتك أرضاه على الست دى فين رجالة زمان بجد فين الرجولة الحقيقية.
الراجل اللى ما يعرفش يكدب ولا يتجنى ولا ينافق ولا يخالف ضميره ويقف مع الحق لو على رقبته دا الراجل بجد الراجل اللى بيصون كرامته الراجل اللى بياخد حقه من بوق الأسد.
الراجل بجد فى نظرى مايسبش حقه ابدأ لو على رقبته يصون شرفه وعرضه.
الراجل معانى كتير ما يفمهاش ولا يحسها إلا الراجل بجد ...!!
الراجل مش بتكوينه الجسمانى لا الراجل بصفاته كراجل بأحترامه لنفسه والأخرين.
يصون لسانه، يحترم نفسه ، يفكر صح قبل ما يقرر أى قرار يراجع نفسه كويس يتأخذ القرارات السليمة
ما يقلقش من نفسه يصون كرامته وكرامة اللى يخصوه واللى بيحبوه بجد يراعى ضميره فى كل شىء
يعمل الصح لأن الصح احق ان يتبع .
الراجل معانى كتير اوى والراجل بجد حاجة جميلة وعظيمة فى حياة الست بس بشرط يكون فعلا راجل فى حياتها ....!!
يحتويها ،يعلى من شأنها ،يكبرها أمام الأخرين ،يصونها ويصون كرامتها لأن كرامتها من كرامته يحبها لنفسها مش يحبها علشان اللى عندها ما يحبهاش لغرض ما فى نفسه ...،!!
لأن فى الزمن دا ما بقاش فى حب بجد نادرا جدا
الحياة مش مستهلة نحمل نفسنا فوق طاقتنا
حب الحب للحب عيش حياتك بأحترام وأدب
احترم نفسك واحترم الآخرين مع خالص أحترامى للرجالة بس الرجالة بجد مش أنصاص رجالة وممكن يكونوا ما حصلوش أصلا أنصاص رجالة .
0 تعليقات